Koor

Die koor bestaan uit ongeveer 100 lede. Die getalle wissel jaarliks. Kooroefeninge vind op Dinsdagaande, van 17:30 tot 21:00, in die Ouditorium by die Musiekmagneetskool plaas.

Die huidige koorleier is Franco Prinsloo, ‘n jong, dinamiese komponis en koordirigent. Norman Burger is steeds die Koororganiseerder en hy kan gekontak word indien enige inligting rakende die koor verlang word (083 444 7818). Elsa Nel is die Koorvoog en dien as skakel tussen die skool en die koor. Verder kies ons elke jaar ‘n koorkomitee, wat uit koorouers bestaan. Elke komiteelid is verantwoordelik vir ongeveer tien koorlede en maak seker dat alle koorinligting gereeld by die ouers uitkom. Hierdie komitee werk baie hard en verstom almal elke jaar met hulle kreatiwiteit! Die koor kies ook jaarliks hoofleiers, asook stemgroepleiers uit die koorlede, wat allerhande takies verrig. By elke kooroefening is daar ‘n heerlike snoepie, wat ook deur koorouers bedryf word. Die koorlede wat direk van sportoefening af kom, hoef dus nie op ‘n leë maag te probeer sing nie.

Program

Die koor reël drie maal per jaar ’n groot konsert. Koorlede verkoop kaartjies vir hierdie konserte. Die koor staan finansieel op sy eie bene. Die koorjaar strek van 1 Oktober tot 31 Augustus. Oudisies vind in September plaas, in die Ouditorium, ná skool. ‘n Oefenkamp word jaarliks vroeg in Desember gehou. Die koor hanteer jaarliks een van die  ATKV- streekuitdunne en is ook deurgaans by een of ander welsynsprojek betrokke.

Ons noem die koor graag : Hoërskool Randburg se Eerste koorspan.

 

A CAPELLA

 

In 2015 loods die ATKV vir die eerste keer dié spog interskole en nasionale kompetisie.

Wat behels dit?

'n Span wat uit twintig lede bestaan, óf net seuns, net dogters of gemeng.  Die verkose leerders, met behulp van hulle afrigters, moet dan 'n program bymekaar sit van ongeveer 16 minute.  Vyftig persent van die werke móét in Afrikaans wees, waarvan ten minste een van hierdie werke uit die nuutste FAK-sangbundel moet kom.  Verder word daar vereis dat ten misnte twee ander tale in die program ingewerk word.  Daar mag geen dialoog in die musiekprogram wees nie, anders as universiteitsergroepe, dus word alles wat op die verhoog gehoor word, met die menslike stem geskep.  Liedjies moet inmekaar vloei, geen melodiese isntrumente mag gebruik word nie en die span het vrye teuels om met beweging, dekor en kostuums te eksperimenteer.

Verskeie pryse word tydens die spoggeleentheid uitgedeel, onder andere Mees Oorspronklike Tema en Beste Verwerking van 'n FAK-lied.  Daar is ook jaarliks prysgeld vir die wenspan op die spel.

Virtuoso, (die naam van die Randjie A Capella-groep) wat verwys na musikante met uitsonderlike vaardighede, is voorwaar ambassadeurs vir die diverse, talentvolle kulturele uitblinkers.

 

YouTube

Ons skoolkoor is nou op YouTube! Kliek op dié link:
youtu.be/QmB9jLBJmlE

  •  • Welvaartbeplanning
  •  • Beleggings
  •  • Trusts
  •  • Testamente
  •  • Versekering
  •  • Boedeladministrasie

 Kontak (011) 781 9111
 www.BarazaWealth.com

'n Gemagtigte finansiële dienste verskaffer (FDV 45445).