Rugby

View the embedded image gallery online at:
https://www.hsrandburg.co.za/sport/rugby#sigFreeId27b529eb43

2014:  Grootskole

  • Onder 14 en Eerstespan Semifinaal
  • Onder 14 Semifinaal Beeldtrofee

2013:  Grootskole (Leeus)

  • Onder 16 en Eerstespan Semifinaal

2012:  Mediumskole

  • Onder 14, 15, 16 en Eerstespan in Semifinaal
  • Onder 15, 16 en Eerstespan in Finaal
  • Onder 15 en Eerstespan Ligawenners
  • Eerstespan Beeldtrofee Naaswenners

2011:  Mediumskole

  • Onder 14, 15, 16 en Eerstespan in Semifinaal
  • Onder 14, 15, 16 en Eerstespan in Finaal
  • Onder 15 en 16 Ligawenners
  • Onder 15 Beeldtrofee Naaswenners

2010:  Mediumskole

  • Onder 14, 15, 16 en Eerstespan in Semifinaal
  • Onder 14, 15, 16 en Eerstespan in Finaal
  • Onder 15 en 16 Ligawenners
  • Onder 16 Beeldtrofee Naaswenners

Prestasie deur ontwikkeling

Hoërskool Randburg rugby bevat die besondere dinamika waar spelerontwikkeling en prestasie op gelyke voet staan.  Ons glo in die ware ontwikkeling van al ons spelers.  Die prestasie van ons rugby berus self nooit net op die prestasie van die individu nie, maar op die som van die harde werk van die hele span.

Wat word daar bedoel met ware ontwikkeling?

By Hoërskool Randburg word dit as die norm aanvaar dat alle seuns wat daarin belangstel om rugby te speel fisies gekondisioneer en geestelik ontwikkel moet word om die hoogste piek van sy potensiaal te bereik.  Ons glo dat elke seun 'n ster in sy eie reg is en dat dit ons as skool se plig is om hom so helder as moontlik te laat skyn.

Hoe word speler(s) fisies gekondisioneer?

Die skool bied in oorleg met die Beheerliggaam van Hoërskool Randburg 'n unieke geleentheid aan individuele rugbyspelers.  Belangstellende spelers kan deur 'n professionele kondisioneringsafrigter rugbyspesifiek gekondisioneer en liggaamlik ontwikkel word in 'n doelgemaakte rugbykondisioneringsgimnasium op ons perseel.

Hierdie is 'n addisionele diens wat by die skool gelewer word en logika vereis dat die diensverskaffersinset en bedryfskostes verhaal moet word en derhalwe 'n beperkte lidmaatskapsfooi vereis. 

Hoërskool Randburg se rugbyspelers kry die volgende:

  • Gratis afrigting (minimum van 3 sessie per week) van 1½ tot 2 uur per sessie.
  • Gebruikmaking van die rugbygimnasium in spanverband tydens sommige oefeninge.
  • Gestandardiseerde kondisioneringstoetse wat objektiewe spankeuse help bevorder.
  • ndividuele- en span-ontledings en terugvoer.
  • 'n Eenvormige benadering tot die spel vanaf onder 14- tot by die Eerstespan.
  • Truie en ander persoonlike toerusting soos jaarliks geborg indien moontlik.
  • Geleentheid om in die voorseisoen in 'n Puk-Superreeks te kompeteer en dan om vanaf 2013 in die Grootskole-liga deel te neem.
  • Sterk skoolverteenwoordiging op provinsiale keurders- en afrigtingspanele.
  • Top gehalte wedstrydspeeloppervlaktes en wêreldklas beligting op die A-rugbyveld.
  • Die gebruik van Brasilië se Senior Nasionale Sokkerspan se kleedkamers as nalatenskap van Fifa 2010.
  • Gratis vervoer na wegwedstryde binne 'n 100 km radius.
  • Spesialis-klinieke op Woensdagmiddae volgens 'n program om posisionele spel en sekere vaardighede te ontwikkel teen geen koste vir spelers van Hoërskool Randburg nie.
  • Alternatiewelik het die skool sy eie gimnasium waar spelers teen geen koste dieselfde oefeninge kan doen.  Daar is egter net nie 'n rugbykondisioneringsafrigter nie.
  • Jaarlikse toer 2014 en 2015 Mauritz Hansen Rugbyweek.

Ontwikkeling deur goeie afrigtingsisteme

Hoërskool Randburg bied aan hul rugbyspelers afrigting van hoogstaande gehalte binne 'n gesentraliseerde sisteem. Met die strategie van globale oorsig en uniforme rigting glo Hoërskool Randburg dat die konsepte 'n groot deel het in die skool se sukses op en van die veld af.  Afrigters wie se toewyding en ongenaakbare passie tot die spel en hulle seuns onbetwyfelbaar is. Wanneer die behoefte ontstaan, maak ons ook gebruik van spesialisafrigting om 'n leemte in die seuns se ontwikkeling te vul. Afrigters by Hoërskool Randburg glo dat hulle nooit genoeg van die spel sal weet nie en glo 'n mens is nooit te oud om nuwe innoverende dinge te leer nie, dit is juis die uitkyk wat lei tot Randburg se rugbyprestasies.

Afrigters:

  • Onder 14:  Shaun Carelse en Christian Coetzee
  • Onder 15:  Sax Chirwa en JP Olivier
  • Onder 16:  Anvoyr Schooney en Jaco engelbrecht
  • Tweede- en Derdespan:  Mielie van Zyl en Werner Simpson
  • Eerstespan:  JP Olivier en Jeandre Olivier

Deelname en prestasies:

Aan die begin van die seisoen neem die skool aan die Super 15-kompetisie, waarby skole soos Hoërskool Standerton, Hoërskool Alberton, HTS Hans Moore en Hoër Volkskool Heidelberg betrokke is, deel.  Daarna ding ons mee in die grootskoleliga van die Goue Leeus Bond.  In dié liga het ons die laaste paar jaar goeie prestasies behaal.

Hoërskool Randburg is baie opgewonde om nou, saam met Hoërskool Linden, deel van die FNB Classic Clashes te vorm. Die Derbydag wat elke twee jaar deur Hoërskool Randburg aangebied word beloof om 'n spoggeleentheid te wees.

In 2014 het Hoërskool Randburg met die Derbydag die Voorsitterstrofee, vir die meeste spanne wat dié dag gewen het, verower.

HOËRSKOOL RANDBURG RUGBY BIED AAN ELKE SEUN DIE KANS OM TOT DIE BESTE VAN SY VERMOË TE ONTWIKKEL EN BIED DAN DIE GELEENTHEID OM TE PRESTEER EN TE ERVAAR HOE DIT VOEL OM IN 'N WENSPAN TE WEES.

  •  • Welvaartbeplanning
  •  • Beleggings
  •  • Trusts
  •  • Testamente
  •  • Versekering
  •  • Boedeladministrasie

 Kontak (011) 781 9111
 www.BarazaWealth.com

'n Gemagtigte finansiële dienste verskaffer (FDV 45445).