Drama

The  real object of drama is the exhibition of the human character.
Thomas Babington Macaylay

Drama is nie net ‘n kunsvorm nie – dit is ook ‘n belangrike stuk gereedskap om selfvertroue te bou en lewensvaardighede aan te leer.

By Hoërskool  Randburg besef ons die waarde van drama – nie net as vak nie, maar ook as buitemuurse aktiwiteit.

Benewens die feit dat ‘n tweejaarlikse produksie en ‘n jaarlikse Kriewelfees  aangebied word, is daar nog veel meer geleenthede om aan deel te neem.

Leerders wat jaarliks via die dramastudio’s  aan die NEA deelneem, behaal buitengewone goeie resultate. Benewens Alex du Plessis wat vanjaar vyfde van die senior TOP-Tien-presteerders in die Randburg-area geëindig het, was daar nog vele Item- en Kategoriewenners.

Daar is ook jaarliks ‘n geleentheid om aan die ATKV-Tienertoneelkompetisie deel te neem. 2013 se stuk, Agter Toe Deure, het die kwessie van boelies op ‘n aangrypende wyse aangespreek. Vanselfsprekend het ‘n mens ‘n paar manne nodig wat soos boelies lyk om so ‘n toneelstuk aan te pak, en so is die wonder van toneelspeel blootgelê aan ‘n paar rowwe O/16 A – rugbymanne!

Hoërskool Randburg is ook altyd gereed vir nuwe uitdagings. Vanjaar het die skool sy deure oopgegooi vir ‘n film wat by die skool geskiet is en wat in 2014 vrygestel sal word. Die leerders van die skool het die geleentheid gehad om as “ekstras” in die film op te tree – “oornagroem” is dalk op pad!

Meer as een drama-studio gebruik die skool as ‘n basis:

Nicci Serfontein  van Liplab Studio is ‘n bekende en bekwame hand in die dramawêreld en in  Randburg.   Sy bied groepklasse aan en fokus op die ontwikkeling, opvoeding en blootstelling van drama aan die gemeenskap. Nicci se groepwerk het al menige pryse ontvang by nasionale en plaaslike Eisteddfods en  die leerders wat aan haar eindjaarproduksie deelneem, neem gewoonlik drama as een van hul keusevakke. Skakel  079-506-8807 vir meer inligting.

Marintha Labuschagne, wat in 2014 die Graad 12 en Graad 11 Dramakunste aanbied, bedryf ook ‘n privaatateljee. Benewens die feit dat sy drama gee, tree sy ook gereeld professioneel op. Sy fokus op individuele afrigting. Skakel 082-872-6133 vir meer inligting.

Hannes Coetzee, wat Dramakunste vir Graad 10 en Kuns en Kultuur vir Graad 8 en Graad 9 aanbied, is ook baie ywerig ten opsigte van buitemuurse drama. Ook  hy stel ‘n dramaskool in die vooruitsig. Meer inligting volg binnekort.

There was never yet an uninteresting life. Such a thing is an impossibility.
Inside of the dullest exterior there is a drama, a comedy and a tragedy.
Mark Twain

  •  • Welvaartbeplanning
  •  • Beleggings
  •  • Trusts
  •  • Testamente
  •  • Versekering
  •  • Boedeladministrasie

 Kontak (011) 781 9111
 www.BarazaWealth.com

'n Gemagtigte finansiële dienste verskaffer (FDV 45445).