Drama

The  real object of drama is the exhibition of the human character.
Thomas Babington Macaylay

Drama is nie net ‘n kunsvorm nie – dit is ook ‘n belangrike stuk gereedskap om selfvertroue te bou en lewensvaardighede aan te leer en jouself, die wêreld en ander mense beter te leer ken.

By Hoërskool  Randburg besef ons die waarde van drama – nie net as vak nie, maar ook as buitemuurse aktiwiteit.

Benewens die feit dat twee goed-gekwalifiseerde, toegewyde onderwysers die leerders deur die twee jaar van Kuns en Kultuur en die drie jaar van Dramatiese Kunste begelei, is die drama sé 'n prioriteit by die skool dat die beheerliggaam pas duisende rande spandeer het om 'n splinternuwe dramateater/klaskamer te bou waarbinne hierdie uitvoerende kuns by die skool bedryf kan word.

Die uitslae van die matrieks in Dramatiese Kunste is jaarliks buitengewoon goed - 'n bewys van die feit dat die leerders in die teorie sowel as prakties goed onderlê word.  Die hoogstaande gehalte van die praktiewe werk word jaarliks lof toegeswaai by die matriekspogkonsert wat tydens die Kriewelfees aangebied word.

Benewens die Kriewelfees, wat ook 'n Steraand insluit waar onder andere toneeltalent uitgestal word, is daar talle ander drama-aktiwiteite waaraan deelgeneem kan word.

Die tweejaarlikse produksie bied vele toneelspeelgeleenthede vir kinders van graad 8 tot 12.  2017 se nuutgeskrewe pantomime, "Ar-Fur", is besonder hoog aangeskryf.  Baie van die hoofrolle is deur dramaleerders vertolk.

Leerders wat jaarliks 'n geleentheid via dramastudio's aan die NEA en die Sentraal-Gauteng-Kunswedstryd deelneem, behaal deurgaans uitstekende resultate.

Daar is ook jaarliks 'n geleentheid om aan die ATKV-Tienertoneelkompetisie deel te neem.  Nie net word alle leerders aangemoedig om deel te neem nie, maar daar word ook aan talentvolle leerders die geleentheid gebied om self tekste te skryf en te help met die regie.  Ons moedig ook ons leerders aan om aan nasionale en internasionale kompetisies deel te neem.

Hoërskool Randburg is beslis dié tuiste vir 'n leerder met 'n talent, of selfs net 'n liefde, vir drama en toneelspel.

View the embedded image gallery online at:
https://www.hsrandburg.co.za/kultuur/drama#sigFreeId2bf4dca72c

  •  • Welvaartbeplanning
  •  • Beleggings
  •  • Trusts
  •  • Testamente
  •  • Versekering
  •  • Boedeladministrasie

 Kontak (011) 781 9111
 www.BarazaWealth.com

'n Gemagtigte finansiële dienste verskaffer (FDV 45445).