Ruitersport

Hoërskool Randburg se ruitersportspan neem jaarliks aan die SANESA skole-liga deel.  SANESA staan vir "South African National Equestrian Schools Association", wat op hul beurt weer geaffilieer is by die "South African Equestrian Federation".  Hoërskool Randburg is deel van die Gauteng-Wes streek.

Om in te skryf moet 'n persoon by 'n eksterne ryskool betrokke wees of 'n ander instansie waar jy 'n perd en ervare instrukteurs tot jou beskikking het.

SANESA skole-liga bied sewe vlakke aan wat vanaf beginners (vlak 0) tot die mees ervare vlak (vlak 6) wissel.  Die vlak van deelname word bepaal deur die ervaring van die ruiter en die perd.  Slegs 'n kombinasie van ervare ruiter en atletiese perd sal byvoorbeeld op die hoër vlakke deelneem. 

Gedurende die eerste helfte van die jaar vind daar in Gauteng-Wes vier kwalifiserende rondtes plaas.  Leerders moet aan ten minste drie tot vier kwalifiserende rondtes in 'n item deelneem om vir die Gauteng-Wesspan gekies te word. Hierna word n span gekies om aan die Gauteng Provinsiale kompetisie deel te neem.

 

  •  • Welvaartbeplanning
  •  • Beleggings
  •  • Trusts
  •  • Testamente
  •  • Versekering
  •  • Boedeladministrasie

 Kontak (011) 781 9111
 www.BarazaWealth.com

'n Gemagtigte finansiële dienste verskaffer (FDV 45445).