Graad 8-Kamp, Groentjiekonsert en Klokseremonie

Na deeglike beplanning om die graad 8's van 2021 vanaf 24 tot 26 Januarie 2021 hartlik by Hoërskool Randburg te verwelkom, is ons planne in die wiele gery met die President se aankondiging van 'n grendelstaat vlak vier.  Die skoolopening is uitgestel ... maar op 12 Februarie het ons 'n entoesiastiese groep graad 8's ontvang en hulle aan die gees van Hoërskool Randburg voorgestel.

Die leiers is ingespan om dié leerders die terrein te wys en 'n mini opedag is gehou om hulle aan hulle onderwysers voor te stel.  Goed ingelig en voorbereid het hulle daarna begin om vir die Gronetjiekonsert voor te berei.  Met sosiale distansie en maskers word elke klas afgerig en afgeneem om 'n video saam te stel wat aan ouers gewys kan word.

Na die Klokseremonie is hulle volwaardige Randjies op hul pad om hulle sterre aan die Randjiehemel te laat skitter - uniek en kreatief is hierdie tradisie in 2021 met die graad 8's behou en kon hulle ook só deel van die Bloumasjien word!