Hoërskool Randburg beskik oor ses nuut oorgedoende tennisbane.

Die seuns-tennisliga's vind tydens die eerste-, derde- en vierde kwartaal plaas.

Hoërskool Randburg het drie seunspanne wat in die liga speel.  Die A- en B-span speel hulle wedstryde op Vrydae en die C-span speel op Maandae.

Gedurende die eerste en derde kwartaal is daar twee dogtersligaspanne en hulle wedstryde word op Dinsdae gespeel.

Die A-span (seuns) neem elke jaar aan die Senior Tennis Interhoër deel - en ons onder-15 seuns aan die Junior Interhoër.

Gedurende September neem Randburg aan die Hoërskoletoernooi in Bethlehem deel en die seuns A-span aan die Hilton/St. Anne's Dubbels toernooi.

Prestasies

• Interhoër 3de
• Bethlehem 3de (A & B)
• Hilton 3de

Vanaf 2021 neem ons seuns en dogters aan die BNP Paribas Rising Star toernooi deel.   Die seuns-span was die laaste 2 jaar naaswenners by Provinsiale uitdunne.

Afrigting word deur Veronique Luksich behartig op Woensdae en Donderdae oggende.

Vir verdere inligting asook leerders wat sou belangstel om deel te word van Randburg tennis, kontak Me Sanmarie de Kock (Seuns) en Me Leonè Brits (Dogters).

Hoërskool Randburg se tennisspelers is beslis Randjie-sterre!