Tennis

Hoërskool Randburg beskik oor ses tennisbane.

Die tennisliga vind tydens die eerste, derde en vierde kwartale plaas.

Tans het ons drie seunspanne wat in die liga speel.  Die A- en B-span speel hulle wedstryde op Vrydae en die C-span speel op Maandae.

Gedurende die eerste en derde kwartale is daar twee dogtersligaspanne in die liga en hulle wedstryde word op Dinsdae gespeel.

Ons het in 2018 deelgeneem aan die jaarlikse Seuns Interhoër.  Die seuns het gedurende die uitdunne gekwalifiseer vir die finaal waar hulle 'n tweede plek behaal het. Altesaam 20 skole het aan die Interhoër deelgeneem.

Gedurende September neem twee seun- en twee dogterspanne aan die hoërskoletoernooi in Bethlehem deel.  

By die jaarlikse PUK-reeks het die Junior Gemengde-span 'n algehele sewende plek behaal en die Senior Gemengdespan 'n tweede plek.

Albert Kirsten is ons nommer een speler.  Albert is op die oomblik derde op die nasionale ranglys vir seuns.  Hy en Bushi Seihleko is in die SA onder 19B-span opgeneem.

Hoërskool Randburg se tennisspelers is beslis Randjie-sterre!

View the embedded image gallery online at:
https://www.hsrandburg.co.za/sport/tennis#sigFreeIdde05b48210

  •  • Welvaartbeplanning
  •  • Beleggings
  •  • Trusts
  •  • Testamente
  •  • Versekering
  •  • Boedeladministrasie

 Kontak (011) 781 9111
 www.BarazaWealth.com

'n Gemagtigte finansiële dienste verskaffer (FDV 45445).